More

    Albin Kurti paralajmëron kujdes për shqiptarët në Maqedoni


    Shqiptarët e mbështesin Lëvizjen Vetëvendosje jo si subjekt politik por si lëvizje që sjell ndryshim, ndërsa ne shqiptarëve të Maqedonisë së Veriut dhe Luginës së Preshëvës, mbështetjen do t’ua kthejmë duke u kujdesur për qytetarët dhe jo për individët në politikë. Kështu është shprehur kryetari i Lëvizjes Vetëvendosje dhe kandidati potencial për kryeministër të Kosovës, Albin Kurti, në një intervistë për Televizionin Shenja, e cila është realizuar menjëherë pas takimit që ai pati me drejtuesit e LDK-së dje në Prishtinë. Kurti thotë se bisedimet e djeshme kanë qenë shpresëdhënëse dhe me Isa Mustafën e Vjosa Osmanin janë dakorduar për të sjellë ndryshim real duke filluar nga reduktimi i numrit të ministrave dhe zëvendës ministrave e deri tek mënyra e qeverisjes. “Shqiptarët e ndjejnë se kanë nevojë për lëvizje, kanë nevojë për të ecur përpara, jo për parti që ndajnë buxhete e poste por si tortë për të mos thënë për si plaçkë, por për lëvizje politike kombëtare e cila dëshiron ta ngrit lartë mesataren e shqiptarëve në çdo fushë, ti faktorizojë ata në Ballkan, t’ua rris të drejtat e tua plotësojë nevojat e jo vetëm të ngrisë individë të cilët me ngritjen e tyre shkëputen nga mesatarja e cila vazhdon të bie. Tek ne e shohin një shans të tillë, të cilën ne do ta zbatojmë e do t’ia shpërblejmë popullit këtë mbështetje që po na jep, sepse kurrë nuk do të ndahemi prej tij e gjithnjë do të rikthehemi tek ai”, theksoi Kurti. Një nga planet e para Kurti tha se është vetingu në gjyqësor dhe prokurori dhe një veting i pjesshëm në organet dhe institucionet e sigurisë në Kosovë që do t’i paraprijë nxjerrjes para drejtësisë të të gjithë ish funksionarëve që kanë keqpërdorur shtetin dhe pozitën zyrtare.

    TË NGJAJSHMEARTIKUJ
    Rekomanduar për ju

    Të fundit

    Ali Ahmeti fton liderët e partive shqiptare në takim më 13 gusht

    Lideri i Partisë fituese të zgjedhjeve të 15 Korrikut Ali Ahmeti i ka ftuar gjithë liderët tjerë të partive...

    Spërkatje me aeroplan kundër mushkonjave në Shkup

    Sot në mëngjes po zbatohet spërkatje me aeroplan kundër mushkonjave në rajonin e Qytetit të Shkupit. Me këtë, siç kumtoi...

    Mot me diell, pasdite me të reshura dhe bubullimë

    Moti sot në vend do të jetë me vranësira të ndryshueshme, me periudha dielli dhe jostabil me shi lokal...

    Italia e mbyllur për Maqedoninë e Veriut, Shqipërinë dhe Kosovën deri më 7 shtator

    Gjatë orëve të natës, Këshilli i Ministrave i qeverisë Conte ka miratuar një dekret të ri përsa i përket...