More

    APPLE MAPS NUK I MOHON DOT KUFIJTË E KOSOVËS

    Mijëra Shqiptarë janë dyndur drejt peticionit i cili do të kalojë shifrën e 200 mijë nënshkrimeve ndërsa ju ftojmë edhe juve lexues tanë të dashur ti bashkoheni kësaj nisme.
    Apple Maps nuk e mohon dot atë çfarë është e Kosovës

    Një peticion online i cili i drejtohet Apple duke i kërkuar që të tregojë shtetin e Kosovës dhe kufijtë e saj territorialë në hartë, ka marrë më 180 mijë nënshkrime numri i të cilët rritet nga momenti në moment.

    Shërbimi i hartave Apple Maps, i ngjashëm me Google Maps, aktualisht e tregon Kosovën brenda kufijve të Serbisë dhe kjo ka ngjallur edhe reagimin e Shqiptarëve në mbarë botën.

    Reagimet nisën kur para pak ditësh këngëtarja e njohur Shqiptare në Britani Dua Lipa shkruante në profilin e saj Instagram duke i kërkuar Apple që ta njohë Kosovën në hartat Apple Maps.

    Po në Instagram e më pas në Twitter postoi një foto të hartës së Shqipërisë së Madhe duke nxitur reagime të tjera. Thirrjeve ju bashkua edhe këngëtarja tjetër Shqiptare në Britani Rita Ora.

    Më 23 Korrik përmes një letre zyrtare në drejtim të Drejtorit Ekzekutiv të Apple Tim Cook, Ministrja e Punëve të Jashtme të Kosovës Meliza Haradinaj i kërkonte ekzekutiv që harta e Kosovës të vendosej në Apple Maps dhe mungesa e saj lëndon ndjenjat e Shqiptarëve të Kosovës të cilët kanë humbur shumë në përpjekjet e tyre për pavarësi.

    Reagime pati edhe nga ana tjetër e kufirit Shqiptar, ku Ministri Shqiptar i Punëve të Jashtme Gent Cakaj gjithashtu i ka dërguar letër shefit ekzekutiv Tim Cook.

    Kosova njihet si shtet sovran nga 112 shtete të Kombeve të Bashkuara si SHBA, Britania, Franca, Gjermania, Japonia, Italia dhe Kanadaja dhe që prej 2008 është shtet i pavarur me integritetin e saj territorial.

    Kosova është anëtare e Fondit Monetar Ndërkombëtar, Bankës Botërore, Bankës Evropiane për Rindërtim dhe Zhvillim, si dhe një vendim i Gjykatës Ndërkombëtare të Drejtësisë mbështet deklaratën e pavarësisë së Kosovës.

    Mijëra Shqiptarë janë dyndur drejt peticionit i cili do të kalojë shifrën e 200 mijë nënshkrimeve ndërsa ju ftojmë edhe juve lexues tanë të dashur ti bashkoheni kësaj nisme.

    Facebook, Twitter, Linkedin dhe së fundi Spotify e njohin Kosovën si shtet sovran e të pavarur.

    Në shërbimin e Google Maps, Kosova shfaqet e ndarë nga Serbia por kufiri është me vijë të ndërprerë që nënkupton se është territor i kontestuar.

    Reagime ka pasur edhe në rrjetin social Reddit dhe forumet e Apple. Nuk është hera e parë që Apple përfundon në situata të tilla. Rast konkret është situata në Krime dhe Sevastopol të cilat në hartat e Apple shfaqen si pjesë të Rusisë.

    Nënshkrimi i Peticionit: https://www.change.org/p/apple-put-kosovo-on-apple-maps /Derveni.info

    TË NGJAJSHMEARTIKUJ
    Rekomanduar për ju

    Të fundit

    Mërgimtari shembull për të tjerët, shpërndan pajisje shkollore për nxënësit e komunës së Zhelinës

    Edhe një iniciativë e shkëlqyer nga ana e zotëri Vesel Ahmedit, veprimtar dhe bashkatdhetarë i yni i cili punon...

    Instituti ZIP sot shpërndau smart-tabletë për nxënësit e shkollës së Bojanës

    Nxënësit e Bojanës prej sot do jenë më të përgaditur me pajisje për ndjekjen e mësimit on-line, e gjith...

    Qeveria vendosi: këto janë masat e reja kufizuese kundër pandemisë

    Qeveria i dha dritë jeshile propozimeve të Komisionit për Sëmundje Infektive. Organi ekzekutiv urdhëron kufizimin e kapaciteteve në transportin...

    Sot, përkujtojmë ndarjen nga jeta të Naim Frashërit (1846-1900)

    Naim Frashëri lindi në Frashër të Dangëllisë më 25 maj 1846. Mësimet e para i mori në vendlindje, ku...