More

    ASH: Shqiptarët dergjen burgjeve pa prova, Katica Janeva pushon në shtëpi

    - Marketing -

    “Po bëhemi dëshmitarë të një realiteti të hidhur dhe të një sistemi gjyqësorë gjithmonë e më të korruptuar. Po bëhemi dëshmitarë të drejtësisë së një anshme dhe të politizuar. Po bëhemi dëshmitarë të vdekjes së shpresës për një ardhmëri në vendin tonë. Aleanca për Shqiptarët gjithmonë ka qenë e zëshme për të gjitha padrejtësitë që në vazhdimësi po bëhen. Por, rasti “Zhvatja”, përfundimisht fundosi kredibilitetin e Prokurorisë Publike Speciale, ku e dyshuar kryesore është kryeprokurorja Katica Janeva për keqpërdorim të pozitës zyrtare dhe përfshirje në korrupsion. Potencojmë që ky ishte momenti goditës për qytetarët ku edhe humbi besueshmëria e
    tyre në Prokurorinë Publike Speciale dhe sistemin gjyqësorë në përgjithësi.
    Aleanca për Shqiptarët reagon ashpër ndaj vendimit të Gjykatës së Apelit e cila pranoi ankesën e ish prokurores Katica Janevës duke ia lejuar asaj arrestin shtëpiak. Theksojmë se ka patur dhjetëra raste të të burgosurve shqiptar për raste të montuara politike, ndaj të cilëve po e njëjta Gjykatë ka refuzuar të jep masën e arrestit shtëpiak.
    E rikujtojmë opinionin se Gjykata e Apelit vendosi në mënyrë të padrejtë edhe për rastin e Feta Alimit, e cila disa herë refuzoi kërkesën e palës mbrojtëse që Feta Alimi të dalë nga paraburgimi dhe të jetë në
    arrest shtëpiak. Ky është sistemi ynë i drejtësisë që shpesh herë funksionon me standarde të dyfishta, që njëherit është njolla më e zezë e shoqërisë sonë. Ky sistem drejtësie së bashku me policinë e shtetit që nuk arriti të parandalojë ikjen e Nikolla Gruevskit, është ai që nuk po sjell vendime gjyqësore për lëndët e hapura nga Prokuroria Publike Speciale, kjo është “drejtësia” që sot liroi në arrest shtëpiak Katica Janevën ndërsa
    mban me të pa drejtë Feta Alimin dhe shqiptarë tjerë për procese të montuara politike.
    Aleanca për Shqiptarët konsideron se kjo qeveri dhe influenca e saj në gjyqësor me vendime të tilla po mundësojnë ikjen nga përgjegjësia penale.
    Kjo është një arsye më shumë që sistemi i drejtësisë duhet të reformohet urgjentisht, dhe të gjithë gjykatësit, prokurorët por edhe zyrtarët publik t’i nënshtrohen procesit të vetingut, dhe të mbajnë llogari për kredibilitetin e tyre profesional dhe moral.
    Ky sistem drejtësie, me gjykatës dhe prokuror partiak, të zgjedhur nga zyrat partiake VMRO-BDI-LSDM po bëhen pengesa kryesore që rrezikon jetën e mirëfilltë në vend, sigurinë e qytetarëve si dhe integrimin e Maqedonisë së Veriut në BE”, thuhet ne reagimin e ASH-se.

    TË NGJAJSHMEARTIKUJ
    Rekomanduar për ju

    Të fundit

    Sela dhe Gashi, takim me Kurtin në Prishtinë

    Kryetari i Aleancës për Shqiptarët, Ziadin Sela dhe ai Alternativës, Afrim Gashi kanë takuar sot në Prishtinë kryetarin e...

    Kryetari i Odës ekonomike në vizitë te “Dauti Komerc”

    Sh.A Dauti Komerc mirëpriti në vizitë kryetarin e OEMVP-së z.Nebi Hoxha që në kuadër të programit të 15 vjetorit të...

    Zyberi: Ndihmë shtetërore deri në 20.000 euro për të rinjtë për të ble apartamente dhe shtëpi

    Sot  kandidati për Kryeministër të pare shqiptar, Naser Zyberi, vizitoi familje të moshës se re me të cilët bashkëbiseduan...

    ANKETË e re nga Instituti Ndërkombëtar për Demokraci

    Koalicioni LSDM-BESA dukshëm është para VMRO-DPMNE-së, konkretisht 24.8 për qind ndaj 21.2 për qind. Kështu tregojnë rezultatet e anketës...

    - Marketing -

    - Marketing -
    - Marketing -