Home / ARSIMI / Bashkëpunim për avancimin e arsimit sipërmarrës në shkollat e mesme

Bashkëpunim për avancimin e arsimit sipërmarrës në shkollat e mesme

Vazhdon bashkëpunimi ndërinstitucional dhe ndërorganizativ për mbështetjen dhe përforcimin e arsimit sipërmarrës në shkollat e mesme në vend, me qëllim krijimin e rinisë së motivuar për inicimin dhe realizimin e biznes-ideve personale, që do të jenë rrëfime të suksesshme falë përvetësimit të shkathtësive për liderizëm, punës në ekip, organizimit, prezantimit, planifikimit dhe punës financiare gjatë arsimit të mesëm.

Ministria e Arsimit dhe Shkencës sot nënshkroi memorandum bashkëpunimi me Junior Achievement Maqedoni, Byronë për Zhvillimin e Arsimit dhe Qendrën për Arsim Profesional dhe Trajnim dhe së bashku me mbështetjen e fuqishme të Zyrës së USAID-it në Republikën e Maqedonisë së Veriut do të punojnë në mënyrë intensive, përmes një sërë aktivitetesh, në zhvillimin e aftësive sipërmarrëse tek të rinjtë të cilët pas përfundimit të procesit arsimor do të jenë të përgatitur për sendërtim të mëtejshëm arsimor apo për hyrje në tregun e punës – me çka do të japin kontributin e tyre të rëndësishëm në zhvillim e përgjithshëm shoqëror-ekonomik të vendit.

Memorandumi parashikon përfshirjen e përfaqësuesve të institucioneve arsimore në ngjarje ndërkombëtare, panel diskutime dhe punëtori të organizuara nga Junior Achievement nëpër tërë Evropën, ku pjesëmarrësve do t’u mundësohet t’i zgjerojnë kufijtë e njohjeve dhe njohurive të shkëmbyera me trendet aktuale në sferën e të mësuarit të sipërmarrësisë dhe përcjelljen e të njëjtave shkollave dhe nxënësve tanë.

Kontribut të madh në krijimin e shkathtësive dhe njohurive të reja për mësimdhënësit dhe nxënësit do të japin edhe trajnimet e certifikuara, kampet e inovacioneve dhe garave të nxënësve të cilat, po ashtu, janë paraparë me memorandumin, e që do t’i realizojnë nënshkruesit e të njëjtit.

Me nënshkrimin e këtij dokumenti institucionet tregojnë se ndërtimi i një “kombi sipërmarrës” nuk është proces afatshkurtër, por proces që zgjatë në kontinuitet dhe në të cilin duhet të investohet vazhdimisht.

Ideja themelore e aktiviteteve që i parashikon projekti është se fryma e sipërmmarësisë e ndërton të ardhmen, ndërsa arsimi dhe mësimdhënësit janë ata që duhet ta nxisin dhe mundësojnë zhvillimin e aftësive sipërmarrëse tek të rinjtë.

About Derveni Info

Check Also

Familja Hasani bëhet me shtëpi të re, nga Zvicra në Saraj me motor, për t’ua dhuruar çelësat

Familja Hasani nga Saraji i Shkupit u bë me shtëpi të re. Ata paraprakisht kanë …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *