More

    BFI: Policia po u bën presion imamëve që të mos falet namazi i Bajramit

    - Marketing -

    Bashkësia Fetare Islame e Maqeodnisë së Veriut ka dalë me një reagim në të cilin thuhet se shteti po shkel mbi autonominë e BFI-së, ku policia po i merr në telefon imamët e xhamive dhe po përpiqet të ndikojë mbi ta që të dielën të mos falet namazi i Fitër Bajrami.

    “Në këto ditë gjatë të cilave po spekulohet me një vendim eventual të Qeverisë lidhur me vënien e tërë shtetit në karantinë pikërisht gjatë ditëve të Bajramit, policia po ndërmer veprime të cilat janë në kundërshtim flagrant me parimet demokratike mbi të cilat mëton të mbështetet ky shtet. Gjatë ditës së sotme, Kryesia e BFI është vërshuar me njoftime nga myftinitë dhe hoxhallarët tanë se policia po i merr në telefon imamët tanë dhe po ndikon mbi ata që të mos falin Namazin e Bajramit, kurse në raste të tjera, policët kanë hyrë edhe nëpër xhamitë tona me qëllim për të bërë presion” shkruhet në reagimin e publikuar në faqen e BFI-së në Facebook, e që në fund mban emrin e kreu të saj Sulejaman Rexhepi.

    Po ashtu thuhet se në për këto veprime të policisë, BFI ka edhe deklarata me shkrim të imamëve dhe të punëtorëve tanë të tjerë fetarë, ndërsa shpejgojnë se kjo dukuri po vërehet në tërë vendin por veçanërisht në Shkup e rrethinë.

    “Jemi të indinjuar nga një veprim i këtillë i policisë dhe konsiderojmë se në këtë mënyrë po bëhet thyerje e parimeve bazë të një shtetit laik që ndërtohet, mes tjerash, mbi respektimin e lirive dhe të drejtave fetare. Njëkohësisht, një veprim të këtillë të policisë nuk kemi si të mos e vlerësojmë si shkelje dhe ndërhyrje në autonominë e BFI, njëherit shkelje flagrante të patolerueshme të Konventave Ndërkombëtare për të drejtat dhe lirit fetare, Karta e OKB dhe Konventa Evropian për të drejtat e njeriut “ neni 9 të drejtat dhe lirit fetare” thuhet në reagim.

    Këto përpjekje për ndikim mbi imamët, siç shkruhet në reagim, po vijnë në vigjilje të festës së Fitër Bajramit të cilin besimtarët myslimanë në vend po e presin me padurim kurse BFI po bën parapërgatitjet më serioze me qëllim të mbarëvajtjes të namazit të Bajramit, me theks të veçantë në udhëzimin e xhemateve tona gjatë vizitës të xhamisë konform masave për parandalimin e Covid-19.

    Nga BFI ripërsërisin se do t’i qëndrojë vendimit të tyre për të falur Fitër Bajramin në xhami bashkë me xhematin, e që do të zgjas vetëm 15 minuta, duke pasur kujdes të shtuar për të respektuar rregullat e sjelljes që parashohin masat për mbrojtje nga pandemia.

    “Me vullnetin e Allahut xh.sh. ezani do thërret për të falur Fitër Bajramin” përfundon reagimi i BFI-së./Derveni.info

    TË NGJAJSHMEARTIKUJ
    Rekomanduar për ju

    Të fundit

    Shoqata Malore “Gryka e Dervenit” promovon bukuritë e Sarajit

    Shoqata malore "Gryka e Dervenit" vazhdon me aktivitetet e saja intensive për prezentimin e bukurive natyrore e sidomos bjeshkëve...

    Wizz Air cakton datën se kur fillon fluturimet nga Shkupi dhe Ohëri

    Nga e mërkura pritet të hapet me fluturim Aeroporti Ndërkombëtar – Shkup. WizzAir gjithashtu do të hap edhe aeroportin...

    Policia në aksion. Kapen mbi 100 kg lëndë narkotike

    Si rezultat i hetimeve paraprake, ekipet policore në bashkëpunim me Prokurorinë Publike në Strugë mëngjesin e sotëm kanë sekuestruar...

    Ambasada e SHBA-së me donacion për parandalimin e përhapjes së Covid-19

    Ambasadorja amerikane Kejt Mari Bërnz sot në Prokurorinë Publike të Republikës së Maqedonisë së Veriut përmes Byrosë për luftë...

    - Marketing -

    - Marketing -
    - Marketing -