More

    Fondacioni Albiz ndan bursat për vitin shkollor dhe akademik 2016/17

    - Marketing -

    Fondacioni Albiz me 15 shkurt 2017 në hapësirat e Teatrit Popullor Maqedonas realizoi me sukses manifestimin për ndarjen e bursave për vitin shkollor dhe akademik 2016/17.

    Vitin që e lamë pas ishte sfidues për Fondacionin Albiz pasi që hapëroi drejt ndryshimeve rrënjësore duke filluar nga ribrendimi deri tek ndryshimet statutare dhe organizative. Mirëpo me punë të palodhshme, me realizimin e projekteve të shumta , me një numër më të madh të donatorëve, Fondacioni Albiz arriti që mbaj në kontinuitet progresiv punën e tij dhe brendi i ri të pozicionohet tashmë në shoqëri.

    Në këtë manifestim u shfaqën të arriturat dhe projektet e realizuara nga ana e Fondacionit Albiz për vitin 2016 si dhe në mënyrë solemne u ndanë bursat për studentët dhe nxënësit e shkollave të mesme. Gjithsej u ndanë 218 bursa, ku prej tyre: 40 bursa për nxënës, 160 bursa për student si dhe 18 bursa të dedikuara.

    Kryetari i Këshillit të donatorëve z. Nexhat Shahini theksoi se bashkimi bën fuqi dhe se ribrendimi i Fondacionit ka bërë që ai edhe më shumë ta zgjeroj punën e tij fisnike “për të mirën e shoqërisë” dhe të ngrejë vetëdijen tek kompanitë për të promovuar përgjegjësin e tyre korporative shoqërore.

    Fondacioni Albiz në kontinuitet ka rritur numrin e bursisteve, dhe kjo tendencë do të vazhdoj përderisa ekzistojnë afaristët tanë të cilët kujdesen për shtyllën e shoqërisë e që ajo është rinia, theksoi drejtori ekzekutiv z.Ilir Idrizi. Ndarja e certifikatave për bursistët e gjeneratës së gjashtë u bë nga ana e z.Taip Jakupi – Profesor Universitar si dhe anëtar i Këshillit të donatorëve të Fondacionit Albiz, z.Nebi Hoxha- Kryetar i Odës Ekonomike të Maqedonisë Veri-Perëndimore si dhe nga ana e Ministrit të Drejtësisë z.Valdet Xhaferi.

    Ministri z. Valdet Xhaferi gjatë fjalimit të tij ndër të tjerat theksoi se e çmon shumë bashkëpunimin e ndërsjellët me Fondacionin Albiz dhe se nuk do të mungoj përkrahja e tyre institucionale çdoherë që do të ketë nevojë. Ai gjithashtu inkurajoji edhe kompanitë e tjera që ti bashkëngjiten këtij misioni.

    Për në fund z. Nexhat Shaini ndau mirënjohje për të gjithë donatorët e Fondacionit Albiz si shenjë falënderimi për mbështetjen e tyre.

    Ky manifestim është qendror dhe një ndër projektet bazë të Fondacioni Albiz i cili e bën atë të mburret sepse vetëm investimi në rinin mund të na shpjer përpara.

    TË NGJAJSHMEARTIKUJ
    Rekomanduar për ju

    Të fundit

    Sot në Sh.M Q.Sh. “SARAJ”- SHKUP, u mbajt dhe pjesa e fundit e projektit Integrimi Ndëretnik në Arsim-INA, i mbështetur nga USAID

    Sot në Sh.M Q.Sh. "SARAJ"- SHKUP, u mbajt dhe pjesa e fundit e projektit Integrimi Ndëretnik në Arsim-INA, i...

    Vandalizohet tabela në gjuhën shqipe

    Disa huliganë deritani të panjohur në Qytetin e Shtipit dje kanë thyer e shkatërruar tabelat në tre gjuhë, maqedonisht,...

    Nga mesnata çmime të reja të derivateve të naftës

    Komisioni Rregullator për Energjetikë (KRRE) gjatë ditës së sotme vendosi për rritjen e çmimeve të derivateve të naftës për...

    NEWBORN – NDRYSHON PAMJE, KËSHTU PO DUKET SOT

    Pamja e monumentit “NEWBORN” çdo 17 shkurt ndryshon duke përçuar një mesazh për Ditën e Pavarësisë së Kosovës. Këtë vit...
    - Marketing -
    - Marketing -