Home / LAJME / Haxhinjtë gurëzojnë “shejtanin” si ritual i fundit i Haxhit

Haxhinjtë gurëzojnë “shejtanin” si ritual i fundit i Haxhit

Më shumë se dy milionë muslimanë të dielën kanë gjuajtur gurët në një përfaqësim simbolik të shejtanit si pjesë e Haxhit të sivjetmë në Vendet e Shenjta islame, raporton Anadolu Agency (AA).

Hedhja e shtatë gurëve në një mur që përfaqëson djallin, është rituali i fundit i Haxhit i cili duhet t’ua rikujtojë muslimanëve përpjekjet e vazhdueshme të shejtanit për t’i devijuar nga rruga.

Sipas traditës islame, profeti Ibrahim ishte i pari që e bëri ritualin pasi shejtani u përpoq ta nxiste atë që të mos i bindej Allahut.

Mbi dy milionë haxhinj, rreth 80.000 mijë prej të cilëve vijnë nga Turqia, morën pjesë në Haxhin e sivjetmë. Gjithashtu, në mesin e haxhinjëve janë edhe 850 persona nga Maqedonia e Veriut, 370 nga Shqipëria dhe 1.080 nga Kosova.

Të shtunën, haxhinjtë u ngjitën në malin Arafat qytetit të shenjtë të Mekës.

Pikërisht në malin Arafat, Profeti Muhamed e mbajti hutben e Tij të lamtumirës.

Haxhinjtë kaluan tërë ditën në Arafat përderisa vazhdimisht luteshin dhe kërkonin falje dhe mëshirë nga Zoti.

Pas perëndimit të diellit, ata zbritën nga mali dhe u kthyen në Muzdelife, që gjendet në mes të rrugës nga Arafati për në Mina.

Më pas, në Mina, ata ishin pjesë e ritualit simbolik “gjuajtja e shejtanit me gurë”.

Rituali është një rikrijim i gjuajtjes me gurë drejt djallit nga ana e Profetit Ibrahim në tre lokacionet ku thuhet se djalli është munduar që t’ia ndryshojë mendjen Ibrahimit që të mos i bindet urdhërit të Zotit që të sakrifikojë djalin e tij, Ismailin.

Pas ritualit të gjuajtjes me gurë, haxhinjtë prenë kurbanë për të shënuar fillimin e festës katërditëshe të Kurban Bajramit.

Haxhi është “shtylla e pestë” e fesë islame, një ritual i cili duhet të bëhet të paktën një herë në jetë nga të gjithë muslimanët nëse kanë mundësi financiare.

 

About Derveni Info

Check Also

Devijohet qarkullimi në rrugën magjistrale Grupçin–Tetovë

Ndryshim në regjimin e trafiku do të ketë sot në rrugën magjistrale Grupçin – Tetovë, …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *