More

    Promovohet monografia “Radusha, qytezë nën hijen e historisë”

    Promovohet monografia “Radusha, qytezë nën hijen e historisë”
    (Gjurmëve të një monografie), e autorit Ekrem Ebibi

    Në Institutin e Trashëgimisë Shpirtërore dhe Kulturore të Shqiptarëve- Shkup
    u bë promovimi i monografisë “Radusha, qytezë nën hijen e historisë” (Gjurmëve të
    një Monografie), e autorit Ekrem Ebibi, i cili aktualisht është ambasador i
    Maqedonisë së Veriut në Bosnjë – Hercegovinë.

     

    Promovimin e përshëndeti drejtori i Institutit të Trashëgimisë Shpirtërore dhe
    Kulturore të Shqiptarëve- Shkup, Dr. Skender Asani, i cili u shpreh se ka shumë
    pak monografi për vendbanimet shqiptare si kjo për Radushën, andaj ITSHKSH-ja
    në të ardhmen do të bëjë përpjekje konkrete dhe angazhime serioze që të prodhojë
    sa më shumë monografi për qytetet e ndryshme, por edhe fshatrat shqiptare, duke
    vjelë material arkivor nga terreni dhe duke e sistematizuar të njëjtin sipas
    parametrave dhe standardeve bashkëkohore metodologjike shkencore.

    Në fjalën e tij autori Ebibi theksoi se “Radusha, qytezë nën hijen e historisë”
    (Gjurmëve të një monografie) si libër monografik doli në dritë falë
    bashkëfinancimit të Shoqatës Kulturore Humanitare “Radusha” me seli në Berlin
    dhe asaj në Radushë, U mundova të vë në spikamë historikun dhe ndodhitë
    karakteristike për Radushën nga lashtësia deri më vitin 2000. Baza e monografisë
    ishte gati po at vit, por fatkeqësisht nuk u jetësua.“

    Më tej autori Ebibi u shpreh se “Nuk mund të flitet për Radushën pa
    përkujtuar aspektin ekonomik, kulturor, edukativo-arsimor, sportiv dhe shëndetësor
    që ofronte Xeherorja e Radushës. Udhëtimi në dimensionin kohor në hapësirat e
    Radushës nga ata që e kanë përjetuar është mbresëlënës, inspirues dhe fascinues.
    Përpos rëndësisë së arkivimit zyrtar të materialeve dhe dokumentacionit arkivor,
    grumbullimi i materies shumëvjeçare në një dokument të veçantë, do të mundësoj
    analizë të detajuar dhe objektive për punën e sistemit lokal dhe vendor, ndërsa për
    gjeneratat e ardhshme jo vetëm që ofron dëshmi për njohjen e një periudhe aktuale
    por edhe mundësi për kompilim historiografik të një monografie të plotë të pushtetit
    në fjalë, respektivisht paraqet pretekst dhe provokim për një punim serioz
    shkencor.

    Ndërsa recensenti i kësaj vepre monografike, Dr. Sefer Tahiri në fjalën e tij u
    shpreh se monografia përmban të dhëna mbi fiset dhe brezat ndër shekuj,por
    përmban të dhëna edhe mbi krerët e Bashkësisë Lokale të Radushës, kontributi i të
    cilëve që ky fshat të jetë më modern dhe me infrastrukturë të zhvilluar është për tu
    vlerësuar lartë, ndër të cilët veprimtarë është edhe autori i monografisë, qoftë nga
    pozicioni i Bashkësisë Lokale, qoftë nga pozicioni i Komunës së Kondovës, e cila
    deri në vitin 2004 ishte njësi më vete e vetëadministrimit lokal.

    Ekrem Ebibi si një ‘gjeolog’ hulumtues mëton të gjurmojë sa më thellë mbi
    këtë vendbanim. Bëhet fjalë për vendbanim, i cili për kah shtrirja natyrore bart mbi
    vete strukturën identitare të shqiptarëve, diversitetin që e rrethon, pluralitetin rajonal
    identitar, por të padiskutueshën të njësuar etnokulturor. Kjo meqë Radusha ndodhet
    në trekëndëshin identitar, e kufizuar me identitetin rajonal të shqiptarëve të
    Pollogut dhe të Dërvenit të Shkupit, por edhe me atë të shqiptarëve të Kosovës,
    duke qenë se ndodhet vetëm pak kilometra në afërsi të shtetit kosovar”, tha
    Tahiri duke shtuar se libri i autorit Ebibi është një vepër shkencore që përmban të
    gjitha tiparet e një monografie, pasi në faqet e saj sjell të kaluarën historike, të
    lashtë dhe të afërt, duke i prezantuar periudhat e ndryshme historike përmes emrave
    të përveçëm, pjesëmarrës aktiv dhe kontribues në cikle të ndryshme historike.

    TË NGJAJSHMEARTIKUJ
    Rekomanduar për ju

    Të fundit

    A ka “bomba” që zbardhin të vërtetën për “Monstrën”?!

    Shpresat për zbardhje të plotë të rastit “Monstra” ishin të mëdha para se në pushtet të vijë kryeministri Zoran...

    Shilegov: Plani i Detajuar Urbanistik (PDU) tashmë është miratuar, as unë e as Bexheti nuk mund të vendosim për Treskën

    Plani i detajuar urbanistik për zonën afër liqenit Treska tashmë është miratuar dhe ajo që po ndodh aktualisht atje...

    Banorët e Kondovës ankohen për mungesë të energjisë elektrike, kërkojnë zgjidhje urgjente nga EVN-ja

    Tashmë dy muaj një pjesë e banorëve të fshatit Kondovë të Komunës së Sarajit po përballen me mungesë të...

    Rexhepi inspekton punimet e urës në Kumanovë

    Zëvendësministri i Transportit dhe Lidhjeve Bekim Rexhepi ka inspektuar punimet e urës në Kumanovë. Me këtë rast Rexhepi është shprehur...