More

    ‘Dauti-Transport Shped’ AD Shkup, merr vendimin ‘Operator i Autorizuar Ekonomik’

    Zëvendës Drejtori i Drejtorisë së Doganave të Republikës së Maqedonisë së Veriut, z. Muarem Asani, së bashku me Ndihmës Drejtorin e Sektorit për Sistem Doganor, Zlatko Veterovski dhe Këshilltarin e Drejtorit – Toni Stankovski , sot zhvilluan një vizitë pune në kompaninë “DAUTI TRANSPORT SHPED” AD Shkup. Qëllimi i vizitës ishte dhënia e Miratimit për Operator të Autorizuar Ekonomik.

    Statusi i OAE është markë e pranuar ndërkombëtare për kualitet, e cila tregon se operatorët ekonomik në Republikën e Maqedonisë së Veriut (prodhuesit, eksportuesit, importuesit, transportuesit e mallrave, transportuesit) në zinxhirin ndërkombëtar të furnizimit janë të sigurt dhe se kontrollet e tyre doganore dhe procedurat janë efikase dhe të harmonizuara. Autoriteti doganor, në përputhje me kriteret e përcaktuara në Ligjin doganor, dhe kur është e nevojshme edhe sipas konsultimeve paraprake me autoritetet e tjera kompetente të administratës shtetërore në fushën e sigurisë dhe financave, miraton status të “operatorit të autorizuar ekonomik” për secilin operator ekonomik të regjistruar në zonën doganore të Republikës së Maqedonisë së Veriut.

    Fitimi i statusit “Operatori i autorizuar ekonomik” është certifikim i kompanisë, si një partner i besueshëm dhe i sigurt i Drejtorisë Doganore dhe një partner i besueshëm dhe i sigurt në zinxhirin furnizues ndërkombëtar dhe rajonal. Pasi të bëheni OAE, në bashkësinë ndërkombëtare do të njiheni si një partner biznesi i besueshëm. OAE ofron një numër përfitimesh si kosto të reduktuara për transaksionet tregtare, përparësi në kufi, menaxhim më të mirë dhe më pak kontrolle, njohje ndërkombëtare dhe përfshirje më e madhe në zinxhirët tregtarë ndërkombëtarë.

    Drejtoria e Doganave vazhdimisht inkurajon kompanitë në vend të fitojnë statusin e Operatorit të Autorizuar Ekonomik dhe kështu të kontribuojnë në përfshirjen e zinxhirit global të furnizimit dhe rritjen e eksporteve. Doganimi i mallrave në tregtinë ndërkufitare është jashtëzakonisht i rëndësishëm për përmirësimin e konkurrencës si të eksportuesve, ashtu edhe të importuesve. Deri më tani, 20 kompani në Republikën e Maqedonisë së Veriut kanë statusin e Operatorit të Autorizuar Ekonomik.

    TË NGJAJSHMEARTIKUJ
    Rekomanduar për ju

    Të fundit

    Protesta për tragjedinë në Tetovë, kërkohet përgjegjësi dhe drejtësi

    Në Tetovë po mbahen protesta si shenjë revolte ndaj zjarrit që dogji spitalin modular në Tetovë. Protestuesit thonë se...

    Largimi i Salah nga Liverpool, Klopp: Nuk jam i përfshirë në këtë proces

    Traineri i Liverpoolit nuk dha asnjë informacion në lidhje me rinovimin e kontratës së Mohamed Salah. “E vetmja gjë që...

    Komuna Saraj me njoftim të rëndesishëm për banorët

    Ditëve të fundit vërehet një fenomen i ndezjes së zjarreve bujqësore por edhe deponive të egra gjithandej teritorit të...

    BDI zbulon slloganin për Zgjedhjet lokale – Zgjidh Jetë, Voto Blertë

    “Zgjidh Jetë, Voto Blertë”- është sllogani i Bashkimit Demokratik për Integrim për zgjedhjet e ardhshme lokale që do të...