More

    Panairi i Librit në Shkup i hapur deri më 14 shtator

    “Nga data 8 shtator është hapur panairi i librit këtu në Shkup, i cili do të jetë i hapur deri më datë 14 shtator 2021. Interesimi i qytetarëve si duket nuk është në nivelin e duhur, të paktën kështu deklarojnë përfaqësuesit e librarive këtu në panair”, raporton gazetari i TV21, Valon Sallai.

    Nga shtëpia botuese Logos-A thonë se interesimi i qytetarëve për panairin e librit është i zbehtë.

    “Edhe pse ditën e parë edhe ditën e dytë të panairit interesimi ka qenë mjaft i ulët apo mjaft i zbehtë në krahasim me vitet e kaluara, megjithatë ne si shtëpi botuese besojmë që deri në ditën e fundit të panairit interesimi i njerëzve do të ndryshojë dhe do të kemi mundësi që të kemi më shumë vizitor”, u shpreh Muhamed Jashari nga Logos-A.

    Po nga shtëpia botuese “Ars Llamina” shprehen të kënaqur. Thonë që nuk ka qytetarë që del nga këtu pa blerë ndonjë libër.

    “Interesimi këtë vit ndoshta është i njëjtë ose me një dallim të vogël nga viti i kaluar, sepse edhe përskaj masave që na i imponon situata vijnë njerëz që kanë përgatitur lista dhe blejnë libra për njerëz të tjerë dhe kjo është interesante. (Ngjitje) Kështu që minimumi nga një libër e blejnë, numër të saktë nuk mundem të them, por më shumë se treqind libra harxhohen në ditë”, tregon Dushko Trifunovski nga Ars Llamina.

    Dikush vetëm shihte titujt e rinj, disa të tjerë merrnin nga një a dy libra, por kishte edhe nga ata që blinin më shumë!

    “-Nëse ja vlen libri deri në 1000 denarë e paguaj mbase edhe më shumë varet!
    -Sa libra keni blerë sot?
    -Sot gjashtë libra.”

    “-Sa libra keni blerë sot?
    -Rreth 50 libra.”

    Në panair takuam edhe Vasko Todorovin, një ndër figurat më të njohura te humorit, i cili promovonte librin e tij “Monologu i Tosho Malerit”, të botuar vjet gjatë karantinës.

    “Nuk kishte asnjë promocion, unë u habita për të mirë sepse është libri më i shitur, libri i vitit u shpall vitin e kaluar. Gjithashtu ajo që më befasoi më së shumti është se po shoh gjeneratat e reja që po rriten me ato tekste, me ato skeçe që ne i kemi bërë dhe K15, këto janë konkretisht monologët e mia në librin tim”, vlerëson Todorov.

    Për dallim nga vitet e kaluara, sivjet mungonin shtëpitë botuese nga Shqipëria dhe Kosova. Një prej organizatorëve të panairit, Sanja Kondarko, na tha se mungesa e tyre është për shkak të masave anti-kovid. Përndryshe panairi mbahet në ambient të hapur afër sallës së sportit “Boris Trajkovski”.

    TË NGJAJSHMEARTIKUJ
    Rekomanduar për ju

    Të fundit

    Protesta për tragjedinë në Tetovë, kërkohet përgjegjësi dhe drejtësi

    Në Tetovë po mbahen protesta si shenjë revolte ndaj zjarrit që dogji spitalin modular në Tetovë. Protestuesit thonë se...

    Largimi i Salah nga Liverpool, Klopp: Nuk jam i përfshirë në këtë proces

    Traineri i Liverpoolit nuk dha asnjë informacion në lidhje me rinovimin e kontratës së Mohamed Salah. “E vetmja gjë që...

    Komuna Saraj me njoftim të rëndesishëm për banorët

    Ditëve të fundit vërehet një fenomen i ndezjes së zjarreve bujqësore por edhe deponive të egra gjithandej teritorit të...

    BDI zbulon slloganin për Zgjedhjet lokale – Zgjidh Jetë, Voto Blertë

    “Zgjidh Jetë, Voto Blertë”- është sllogani i Bashkimit Demokratik për Integrim për zgjedhjet e ardhshme lokale që do të...